Kristinaeneako paume populazioa zertxobait handitu zen ekainean, parkeko paumek gutxienez bi txita izan baitzituzten; ordea, Eguzki Erakunde Ekologistak asteburuan salatu duenez, txita horietako bat hilda agertu da, zakur baten erasoa jasan ostean. Ekologistek zabaldutako argazkian ikus daiteke txitak lepoa hautsita daukala, erasoaren ondorioz.
Ez da halako zerbait gertatzen den lehenengo aldia. Besteak beste, iazko urrian, zakur batek ahate bat hil zuen parkean, eta paumen hainbat txita ere hil edo desagertu egin izan dira.
